Passaparola: "L'emigranti", di Nuzio Di Bella (poeta Messinese)




L’EMIGRANTI….. 

Cu da valigia fatta di cartuni

Di la to terra non si chiù patruni 

Taccata bona pi non scurdari 

Chiddu chi lu cori ava lassari 

Un salutu tristi alla mugghieri 

Picchì già dumani non è comi a ieri 

Un saluto pi la nova vita 

Puri si ‘nta lu pettu resta na ferita 

To figghiu dommi no voi ruspigghiari 

Sulu na carizza ci voi fari 

Sarìa difficili a iddu spiegari 

Chi cu so patri non po’ chiù parrari 

To matri chi viduva avia ristatu 

Ti spetta fora cu cori malalu 

Picchì quannu du jornu vurravi arrivari 

Tu si luntanu na poi salutari 

‘nta strata chi potta alla stazioni 

Ti vaddi in giru cu na fotti emozioni 

L’amico fraternu vinni parrannu 

Fai cosi boni ti raccumannu 

L’albiri, i ciuri, di luntanu lu mari 

Cu l’occhi calati i stai a vaddari 

Spunta lu suli pi la nova junnata 

Pi dari caluri alla to pinsata 

Eccu lu trenu sta pi arrivari 

Si fici l’ura è ‘ncchianari 

Cu du cartuni chi teni ‘nta manu 

Chianci la terra e lu cristianu.


(Nunzio Di Bella)

Commenti

Post popolari in questo blog

Reggio scenderà in piazza per difendere il "Tito Minniti" oppure penserà solo alla Reggina calcio?

L’ospedale di Reggio Calabria è circondato dai rifiuti #IoAmoReggio

Va’ ‘nti to’ mamma di Giuseppe Ginestra

Salvatore Napoli: icona di semplicità