"U Votu" - Passaparola - di Nunzio Di Bella (poeta Messinese)

U VOTU ti cecca sulu quannu ci servi picchì 'nto parlamentu vonnu pigghiari i seggi, ti prometti a luna quadrata ma poi..... è sulu na minchiata gira 'nte casi va 'nte paisi 'nta ogni potta u fogghiu ci misi, ti femma, ti voli parrari e cu na scusa ti potta 'nto bari ti dici: amico non ‘nt’impigniari picchì io u votu ti vogghiu ciccari così ti ricodda lu vechiu favuri, ca ti fici.... no pi l'amuri ti cunta na cosa chi ci avia succidutu, mi si scusa, s'avia scumparutu ti parra puru di to parenti, puru si non ci ni futti nenti prima mi ti lassa e sinnivà ti ricodda lu nomi che scriviri dà ti raccumannu caru amicu io lu to votu l'haiu graditu davanti e seggi, ti sta ad’aspittari ca lingua a menzu i denti, non po parrari ti vadda, i giochi sunnu fatti, ma di luntanu ti mustra li catti tu 'nta cabina ca pinna ‘nte manu, pensi o cafè chi ci hai sc...